[XRushdy]

السلام عليكم,
فى برامج المخازن,
اية فى الطريقتين دول افضل لتخزين كميات الاصناف
انى اعمل جدول الاصناف العام اللى فية تعريف الاصناف واربطة بجدول يبقا فية كود الصنف والكمية المتاحة منه
يعنى الكمية تبقا قيمه متخزنة فى جدول جوا قاعدة البيانات


ولا

اعملها بطريقة ديناميكية شوية يعنى اعمل مفيش خانة اسمها الكمية ولكن اعمل جدول صادر ووارد للاصناف
وكل صنف يدخل المخزن يتعمل له سجل جديد يحتوى على الكمية الجديدة اللى دخلت
ونفس الكلام فى المبيعات كل فاتورة بيع تعمل سجل صادر للصنف ده يحتوى على الكمية المباعة
وساعة الاستعلام عن صنف معين
اجمع كل الوارد واطرح كل الصادر منه؟
 لان الطريقة الاولى العادية هيبقا فيها لخبطة شوية فى المرتجعات او عند تعديل الفواتير
لكن التانية البرنامج هيبقا بيستنتج الكميات ديناميكيا يعنى اى تعديل هيتعمل البرنامج هياخدة فى الاعتبار تلقائيا

[الراشيدي]

السلام عليكم ورحمة الله
اخي بالنسبة لنظام المخازن قريب من نظام المبيعات فاتورة شراء -وبيع بالاضافة لجدول الاصناف توضع حقل لكمية الصنف في جدول الاصناف- عند دخول بضاعة اوالصنف للمخزن تضاف الى الكمية وفي حالة الصرف تطرح من كمية الصنف وتسجل تفاصيل الصادر والوارد

[محمد كريّم]

الحالة الثانية افضل من وجهة نظري ولكن بشرط ان يعمل النظام بالفترات المالية وكل فترة تنتهي ينتهي الجرد عليها
يعني مش معقول نظام شغال له ثلاث سنوات وفي كل مرة بتعمل حساب الكميات بتحسب المشتريات والمبيعات من ثلاث سنوات

[XRushdy]

(14-06-17, 05:32 AM)الراشيدي كتب : السلام عليكم ورحمة الله
اخي بالنسبة لنظام المخازن قريب من نظام المبيعات فاتورة شراء -وبيع بالاضافة لجدول الاصناف توضع حقل لكمية الصنف في جدول الاصناف- عند دخول بضاعة اوالصنف للمخزن تضاف الى الكمية وفي حالة الصرف تطرح من كمية الصنف وتسجل تفاصيل الصادر والوارد

كدة انا لوعملت فاتورة بيع او شراء هدخل تفاصيل الوارد او الصادر وفاتورة بعد فاتورة كل مرة بقوم بتعديل خانة الكمية فى الجدول
اللى اقصدة بقا ان كدة لو حصلت اى غلطة فى اى فاتورة كدة هيبقا البرنامج عدل كميات الاصناف اللى فى المخازن خلاص
يعنى لو فاتورة بيع فيها 10 اصناف
كدة البرنامج هيعدل كميات ال 10 اصناف فى المخازن
لو فى اى غلطة حصلت هيبقا صعب شوية انى ارجع اصلح اثر العملية دى, والصنف كذا نقصت منة 2 والصنف كذا نقصت منة 5 وكدة صعب اصلح اللغبطة اللى حصلت
لكن الطريقة التانية انى مش بعدل فى كميات الاصناف لان اصلا مافيش كميات للاصناف 
انا بعتمد فى قراءة كمية صنف معين على طرح مجموع الصادر من مجموع الوارد وكل صنف يطلع او يدخل من المخزن بيتعملة سجل ومربوط بالفاتورة وهى دى السجلات اللى بتتجمع وتطرح
وبكدة لو عاوز اللغى اى عملية هدخل على الفاتورة اشوف كود الفاتورة دى واحذف سجلات الصادر والوارد اللى مربوطة بالفاتورة دى
وبكدة لما البرنامج يجى يقرا الكمية تانى هتكون السجلات الخاطئة دى مش موجود فهيقرا الكمية الصح
ياريت لو الطريقة دى فيها اى مشاكل انا مش واخد بالى منها حد ينبهنى لانى بالفعل شغال عليها

---

(14-06-17, 06:41 AM)محمد كريّم كتب : الحالة الثانية افضل من وجهة نظري ولكن بشرط ان يعمل النظام بالفترات المالية وكل فترة تنتهي ينتهي الجرد عليها
يعني مش معقول نظام شغال له ثلاث سنوات وفي كل مرة بتعمل حساب الكميات بتحسب المشتريات والمبيعات من ثلاث سنوات

بالظبط كدة, كانت فى بالى النقطة دى ان يبقا فى رصيد بداية فترة وعند انتهاء المدة دى (كل سنة مثلا) يتعمل جرد وكل الصادر والوارد يتمسح ويتعمل رصيد بداية للفترة الجديدة
هى دى هتسهل فى التعديلات وفى دقة البيانات على ما اعتقد لكن خايف ان يكون فى نقطة انا مش واخد بالى منها ولاحاجة زى مثلا ان فى اخر الفترة المالية هتكون سجلات الصادر والوارد دى كترت جدا ياترى بقا ساعتها عملية الاستعلام والجمع والطرح دى هتتنفذ بنفس الكفاءة المطلوبة ولا هلاقى البرنامج بياخد 4 او 5 ثوانى على مايطلعلى كمية المنتج؟

[sendbad100]

[quote pid='101062' dateline='1497408718']

---

(14-06-17, 06:41 AM)محمد كريّم كتب : الحالة الثانية افضل من وجهة نظري ولكن بشرط ان يعمل النظام بالفترات المالية وكل فترة تنتهي ينتهي الجرد عليها
يعني مش معقول نظام شغال له ثلاث سنوات وفي كل مرة بتعمل حساب الكميات بتحسب المشتريات والمبيعات من ثلاث سنوات

بالظبط كدة, كانت فى بالى النقطة دى ان يبقا فى رصيد بداية فترة وعند انتهاء المدة دى (كل سنة مثلا) يتعمل جرد وكل الصادر والوارد يتمسح ويتعمل رصيد بداية للفترة الجديدة
هى دى هتسهل فى التعديلات وفى دقة البيانات على ما اعتقد لكن خايف ان يكون فى نقطة انا مش واخد بالى منها ولاحاجة زى مثلا ان فى اخر الفترة المالية هتكون سجلات الصادر والوارد دى كترت جدا ياترى بقا ساعتها عملية الاستعلام والجمع والطرح دى هتتنفذ بنفس الكفاءة المطلوبة ولا هلاقى البرنامج بياخد 4 او 5 ثوانى على مايطلعلى كمية المنتج؟
[/quote]

السلام عليكم 
اخي الكريم يجب ان تقوم بتجربة الفكرة   بحيث تقوم  بنسخ عدد كبير  اكبر بضعفين من المتوقع اخر العام  من الصفوف  الذي يعتر سجل الفواتير . وتشوف السرعة بنفسك
ما تنتظر حتى يشتكي عميل.

[XRushdy]

 انا فعلا شغال دلوقتى على كدة
عملت Stored Procedure بينفذ جملة Insert ببيانات منتج معين ورابطة بتايمر بالسى شارب عشان يدخل سجلات تلقائى باعداد كبيرة عشان اختبر الكفائة على الاعداد الكبيرة دى