[WAEL ABED]

ابحث عن وظيفة مبرمج سواء بارت تايم او كامل الوقت لو كامل الوقت يكون في تامين خبرة 10سنين

[عبد العزيز البسكري]

السّلام عليكم و رحمة الله و بركاته

أخي الغالي " وائل عابد "

سهّل الله أمورك و رزقك من حيث تحتسب و من حيث لا تحتسب إن شاء الله

أدعو الله أن يمنّ عليك برزقه الوافر إنّه على كل شيء قدير

بكل صدق و الله على ما أقوله شهيد طالما تتبّعت و أعجبت بمشاركاتك و مداخلاتك الرّائعة هنا و في بعض المنتديات العربيّة للفيجوال بيسك

تحياتي و إحتراماتي لشخصك القدير

[WAEL ABED]

شكرا لكم مروركم الطيب

[عبدالله الدوسري]

أهلاً أخي وائل 

وين ساكن في أي بلد ؟

[WAEL ABED]

اهلا وسهلا بيك استاذنا انا ساكن فى مصر فى القاهرة

[عبدالله الدوسري]

أهلاً أخي وائل 
كنت أتمنى المساعدة , أردت أن أعرف المنطقة , لأنه هناك دول معينة مطلوب منها مبرمجين , لكن للأسف مصر ليست منهم .

تمنياتي لك بكل التوفيق والنجاح , وأدعوا الله لك أن تجد الوظيفة المناسبة , تقبل مروري ووتحياتي .

[WAEL ABED]

اوك ولا يهمك

[mero5000]

ارسل لى حسابك على فيس بوك با اخى
انا كتير بجد شركات بتطلب مبرمجين بالقاهرة والله ييسر ان شاء الله

[WAEL ABED]

اتفضل اخي 
https://www.facebook.com/WaelAbedSoft
وشكرا

[WAEL ABED]

الحمدلله حبيت ارجع للشاركة كتبتها من فترة
حبيت احكي حكايتي
كنت موظف حكومة لمدة 14سنة تحديدا من سنة 2004  واخدت كورس لمدة 6شهور وقت دخولي الكورس فى اواخر 2006 انهيت الكورس ف2007  واتعلمت البرمجه (sqlserver +access +crystal report+لغة vb6)بعد ثلاث سنوات من تعييني  
اشتغلت لاصدقائي وكانوا شغالين فى اماكن كنت بعرف منهم بيعملوا ايه فى اشغالهم علشان اصممه برنامج (كنت بحلل شغلهم واصمم لهم برنامج )طبعا بدون مقابل اشتغلت فري لانس كتير جداااا
اشتغلت شغل كتير جداا وانا بتعلم البرمجه وموظف علشان اكفي تمن الكورس وطبعا الاهل كانوا رافضين فكرة ان قاعدع الكمبيوتر  بتعلم (علشان انت قاعدة بتلعب  ع الكمبيوتر دي ثقافة الوالد رحمه الله )
اشتغلت لغاية سنة 2010   كنت شغال فى شركة امن بس كنت عملت صيت هنا فى المنتدي وفى منتديات اخري بمساعدة الاعضاء اللى عندهم مشكله اتصل بيا المسئول عن المكان اللى كنت باخد فيه الكورس قالي عرفنا انك اتخرجت من عندنا وعايزينك تشتغل معانا اشتغلت معاهم دعم فني للطلبة اللى عنده مشكله ادخل احلهاله واللى مش فاهم ادخل اشرحله واوضحله الفكره لحد2012 الفترة دي برده عاملت برنامج لاحد اصدقائي لشركة عربيا جاز  
وبرنامج لمزرعة ارانب (كانوا الاصدقاء بيقولولي  يابتاع الارانب هههه) عاملت برامج كتيييير جداااا  فري لانس برنامج  hr فى الامارات وبرنامج مقااولات فى السعودية وبرنامج توزيع البان فى مصر وبرنامج صيانة مكاينات لمصنع  كبير    وبرامج كتير مش  وفى 2013 فتحنا انا وبعض اصدقائي شركة برمجه وقفلت فى 2014 وفى نفس السنة تزوجت   لحد 2017 سبت المكان بتاع الكورسات ده  خد بالك انا موظف حكومة مازلت فى 2018  صديق عملي ريكموند فى شركة روحت الشركة الانترفيو سالوني كتير جدااا وانا رديت عليهم كويس دي وجهة نظري الاتنين  قالوا مش فاهمين منه حاجه بعديها عملت المشاركة دي بعدها روحت كذا انترفيو بس كنت خايف جدااا معرفش ايه السبب اكيد عدم ثقة فى شهر واحد 2019 روحت اعمل انترفيو فى مطبعة كبيرة فى مصر طالبة مبرمجين  ولما عملت الانترفيو وبعتولي اشتغل معاهم بعد الانترفيو باربع شهور يعنى فى شهر 4-2019 فى الوقت ده حبيت اعمل اجازة بدون مرتب اترفضت قومت عامل انهاء خدمة روحت اشتغل معاهم وقومتلهم المخزن عندهم كان واقع وبعدها فى شهر 6 روحت انترفيو لشركة برمجة ساب وقبلوني اشتغلت معاهم من شهر 7 طبعا المرتبات بتعلي تقريبا الضعف وفى شهر 12 روحت شركة كده ملهاش اسم بس بتاخد شغل كبير من الباطن يعنى كان   واخدين برنامج من جامعة الكويت وبرنامج وويب سايت والحمدلله صممتلهم الويب سايت وعملته واتسلم والديسك توب كنت بديره لغايه شهر 10-2020 وروانتر فيو تانى لشركة متوسطه ومازلت شغال فيها
كل ده وانا دبلوم صنايع
سوري ياشباب ازعجتكم