تقييم الموضوع :
  • 0 أصوات - بمعدل 0
  • 1
  • 2
  • 3
  • 4
  • 5
محساب الاررباح
#1
السلام عليكم
محتاج لطريقه لحساب مقدار الارباح
(( نحن قوم أعزنا الله بالإسلام فمهما ابتغينا العزة بغيره أذلنا الله )) .. 











الرد }}}
تم الشكر بواسطة:
#2
اخي الفاضل :

تجاريا كلمة الأرباح هي فرق البيع من الشراء

ولكن صافي الأرباح بتطلي عملية طويلة بعد عمل جدول ارباح وخسائر واعداد الميزانية الختامية طبقا للمعايير والقواعد التجارية
Don't Be The Perfect one
be the right one
الرد }}}
تم الشكر بواسطة: khodor1985 , khodor1985 , ابراهيم ايبو
#3
(05-06-16, 07:15 PM)boudyonline كتب : اخي الفاضل :

تجاريا كلمة الأرباح هي فرق البيع من الشراء

ولكن صافي الأرباح بتطلي عملية طويلة بعد عمل جدول ارباح وخسائر واعداد الميزانية الختامية طبقا للمعايير والقواعد التجارية

طب مفيش كتاب او معلومات مفيدة لطريقة حساب صافي الربح لانه مهم جدا مفيش برنامج مبيعات يخلوا من حساب صافي الربح
الرد }}}
تم الشكر بواسطة: awidan76
#4
ساعدونا وين راحو المبدعين
الرد }}}
تم الشكر بواسطة: awidan76
#5
بسم الله والصلاة و السلام على رسول الله
بالنسبة للشركات التجارية
مبيعات و مشتريات 
اولا يتم حساب مجمل الربح
وبعد ذلك نحسب صافى الربح
بأختصار شديد
مجمل الربح  = صافى المبيعات - تكلفة البضاعة المباعة
و صافى الربح = (مجمل الربح + الايرادات الاخرى)- المصروفات الادارية  والمصروفات الأخرى الغير خاصة مباشرة بالنشاط
وسوف اتابع الشرح بالتفصيل بعد الافطار
وكل عام وانتم بخير
******
الحمد لله 
صافى المبيعات = المبيعات - مردودات المبيعات
تكلفة البضاعة المباعة = تكلفة مخزون اول المدة + صافى المشتريات - مخزون اخر المدة (بسعر التكلفة او السوق ايهما اقل "يعتى غالبا سعر التكلفة")
صافى المشتريات= المشتريات - مردودات المشتريات
*********
الخلاصة فى الشركات التجارية 
صافى الربح عشان توصله يبقى عن طريق حسابين 
المتاجرة - "ينتج منه مجمل الربح (الربح المباشر)"
والارباح والخسائر خصم كل المصروفات الغير مباشرة للنشاط و اضافة كل الايرادات الغير خاصة بالنشاط (مثل بيع مخلفات الانتاج)
وينتج منه "صافى الربح"
هناك قائمة الدخل وهى عبارة عن دمج للحسابين معا
قى المصانع حساب المتاجرة يعوض عنه بحساب التشغيل (ويقوم على اسس تخصيص وتوزيع التكاليف"مراكز التكلفة")
فى شركات المقاولات الموضوع بسيط
يتم حساب صافى الربح بالمعادلة البسيطة
صافى الربح = (ايراد العمليات + ايرادات اخرى) -(مصروفات العمليات+ مصروفات اخرى)
ايراد العمليات هو الايراد الخاص بالنشاط الرئيسى
مصروفات العمليات هى المصروفات الداخلة فى النشاط الرئيسى
المصروفات الاخرى = مثل المصروفات الادارية والعمومية واى بند غير مباشر
وفى الختام ارجوا ان اكون قد افادتكم
وان كنت وفقت فمن عند الله 
وان لم اوفق فمنى ومن الشيطان
والحمد لله والصلاة والسلام على رسول الله
الرد }}}
#6
شكرا لـــــــــــــــــــــــــــك
(( نحن قوم أعزنا الله بالإسلام فمهما ابتغينا العزة بغيره أذلنا الله )) .. 











الرد }}}
تم الشكر بواسطة: awidan76 , asemshahen5
#7
شكرا يا اخ محمود بكري علي هذه الردود الجميلة ولكن بقيت نقطة انت بتحسب علي اي مدة يوم ولا شهر ولا سنة والمدة اللي بعدها بتتحسب علي اساس ايه يعني لو انا صاحب محل وعرفت ان شهر مايو ربحي الف جنيه مثلا الشهر اللي بعده هيتحسب لوحدوا ولا تراكمي علي اللي فات مع العلم ان في حسابات داين ومدين وفيه بضاعة مش مباعه
الرد }}}
تم الشكر بواسطة: محمود بكرى , awidan76 , asemshahen5
#8
(26-06-16, 05:14 AM)aboamira كتب : شكرا يا اخ محمود بكري علي هذه الردود الجميلة ولكن بقيت نقطة  انت بتحسب علي اي مدة يوم ولا شهر ولا سنة والمدة اللي بعدها بتتحسب علي اساس ايه يعني لو انا صاحب محل وعرفت ان شهر مايو ربحي الف جنيه مثلا الشهر اللي بعده هيتحسب لوحدوا ولا تراكمي علي اللي فات مع العلم ان في حسابات داين ومدين وفيه بضاعة مش مباعه
السلام عليكم ورحمة الله
اخى aboamira يمكنك حساب الارباح بالمدة التى تناسب اعمالك والافتراضى هو سنة مالية (فى القطاع الخاص تمثل سنة ميلادية تبداء فى 1/1  وتنتهى فى 31/12   )
2- الارباح يتم ترحيلها الى حسابات المساهمين , جارى الشركاء , او حقوق الملكية ( ملحوظة مهمة الارباح ليست عبارة عن الاموال فى الخزينة او البنك ) فهى ناتج النشاط خلال فترة وتتمثل فى زيادة قيمة الاصول عن راس المال قد تكون متوافرة وقت ترحيلها او غير متوافرة
المقصود بالترحيل سحب الارباح  من خلال تسجيلها ك مستحقات للملاك  بعد تقسيمها  حسب السياسة المتبعة
وليس بالضرورة ان يتم قبضها من المشروع 
3- الارباح تظهر فى ميزانية العام الحالى تحت مسمى (الارباح القابلة للتوزيع) 
وفى العام التالى تحت مسمى ارباح مرحلة من سنوات سابقة
4- البضاعة الغير مباعة تمثل اصل وهى مخزون اخر المدة وقد تم استخدامه فى حساب المتاجرة لحساب مجمل الربح
مخزون اخر المدة (بسعر التكلفة او السوق ايهما اقل "يعتى غالبا سعر التكلفة")
ويظهر تحت مسمى البضاعة ضمن الاصول المتداولة بالميزانية
حيث بضاعة او مخزون اخر المدة للعام الحالى هو عبارة عن مخزون او بضاعة اول المدة للعام التالى
الخلاصة
1- الوحدة الحسابية هى سنة ميلادية
2- الارباح تحسب نهاية السنة ويتم ترحيلها
ويتم عمل اقفال للسنة بنهايتها وترصيد الحسابات
3- تبداء السنة الجديدة بارصدة اول المدة(اخر مدة السنة السابقة)
4- الارصدة اول المدة للحسابات المفتوحة فقط 
مثل العملاء والموردين وغيرهم
5- المصروفات والايرادات و الارباح والخسائر وغيرهم من  حسابات النتيجة
لا يتم ترحيلها (تبداء من الصفر)
*******
والله الموفق
الرد }}}
#9
مشكور جدا علي هذا المجهود الرائع ولكن لكي اكمل فهمي لكلامك هناك سؤالين
اولا ما هو شكل جدول الرصيد المرحل يعني لو عاوز ارحل الايراد للسنة الجديدة هيكون شكل الجدول ازاي
ثانيا تغيير سعر الشراء للصنف الواحد كيف ساكون دقيق في حساب الارباح مثلا عندي خمس تكييفات سعر الواحد الف جنية ثم بعدها بشهر اضفت عليهم خمسة اخرين بس سعر التكلفة اصبح الف وخمسمائة مع ملا حظة انه نفس الصنف ونفس الباركود كيف احسب ربحي من هذا الصنف خلال فترة معينة واذا فات عليه عام ودخلت في العام التالي كيف ارحل هذا الصنف للعام التالي
الرد }}}
تم الشكر بواسطة: awidan76 , awidan76
#10
(26-06-16, 05:07 PM)aboamira كتب : مشكور جدا علي هذا المجهود الرائع ولكن لكي اكمل فهمي لكلامك هناك سؤالين
اولا ما هو شكل جدول الرصيد المرحل يعني لو عاوز ارحل الايراد للسنة الجديدة هيكون شكل الجدول ازاي
ثانيا تغيير سعر الشراء للصنف الواحد كيف ساكون دقيق في حساب الارباح مثلا عندي خمس تكييفات سعر الواحد الف جنية ثم بعدها بشهر اضفت عليهم خمسة اخرين بس سعر التكلفة اصبح الف وخمسمائة مع ملا حظة انه نفس الصنف ونفس الباركود كيف احسب ربحي من هذا الصنف خلال فترة معينة واذا فات عليه عام ودخلت في العام التالي كيف ارحل هذا الصنف للعام التالي

بسم الله والصلاة والسلام على رسول الله
Shy الايراد والمصروف لا يرحل يقفل وينتج منه الربح او الخسارة Big Grin
هناك حسابات ختامية وقوائم مالية نقوم باستخدامها لاقفال السنة ومعرفة نتيجة النشاط والمركز المالى
وفى ضوء اعداد الحسابات الختامية والميزانية 
نقوم اولا بعمل الاتى وهو عمود الاساس لاقفال السنة
**ميزان المراجعة بالارصدة**
وهو عبارة عن جدول به اسماء الحسابات وارصدتها نهاية العام المالى
ويتكون من 
اسم الحساب--رصيد اول المدة (مدين او دائن)-- اجمالى الحركة المدينة--اجمالى الحركة الدائنة-- الرصيد(مدين او دائن)
 يعنى مثلا لو عندى رصيد فى الخزينة 500 جنيه اول السنة
وبعدين بيعت بضاعة ب 500 وبعدين شريت بضاعة ب 500 وجيت اخر السنة هيكون معايا 500
كالاتى رصيد اول المدة مدين 500
بيع بضاعة حركة مدينة 500
رصيدى اصبح 1000
وبعدين قمت بشراء حركة مدينة 500
اصبح رصيد اخر المدة 500
فى الميزانية  رصيد النقدية للعام الجديد يكون 500
طب يعنى ايه مدينة وايه دائنة
المدين هو ما ياخذ والدائن هو ما يعطى
يعنى فى المثال السابق الصندوق مدين عند البيع لان اصل القيد المحاسبى
500 من حساب الصندوق (مدين) اخذ
 500 الى حساب المبيعات (دائن) اعطى 
كل حساب يجب ان يكون له اساس مدين او دائن وعند الترصيد بطبيعة الحال ياتى على طبيعته
يعنى طبيعة الصندوق(النقدية) انه مدين يعنى فيه فلوس لانه بياخد ما ينفعش يعطى الا لو معاه
خلاص ميزان المراجعة واضح 
صورة ميزان المراجعة (ملحوظة هنا الاشهر بالميزان للتوضيح فقط يمكنك اخفائها)
============
*** حساب المتاجرة ***
قمت بشرحه من قبل فى الاعلى وهو ينتج لنا مجمل الربح
صورة للمتاجرة
صورة اخرى
واضح هنا ان النتيجة ترحل لل ا خ الارباح والخسائر
بعد ذلك حساب نقوم بعمل حساب الارباح والخسائر
و هو يعطى لنا صافى الربح
حساب توزيع الارباح والخسائر
ويمكنك عمل قائمة دخل والاستغناء عن المتاجرة والارباح والخسائر
ولاكن للتوضيح هما الاساس 
حيث قائمة الدخل هى الشكل الحديث دمج للحسابين
وتكون بالشكل التالى
هناك بالطبع اشكال كثيرو ولاكن المضمون هو دمج للحسابين وكما شرحت المعادلة من قبل فى بداية المشاركة
***اعلم كل العلم اخى ان الموضوع يبدو معقدا ولكنه ليس كذلك***
قد يفيدك الربط التالى
***الميزانية - المركز المالى***
وكما هو واضح من الاسم عبارة عن موقفك المالى
ايه اللى ليك 
وايه اللى عليك
اصولك والتزماتك
مثال بسيط
معاك 5000 جنيه
عاوز تعمل مشروع ب 7000 جنيه
====
1- راحت لمحمد واستلف منه 1000 جنيه
2- رحت لعادل وقلت له عاوز منك 1000 جنيه رفض قلتله ادخل معاى شريك واخدتهم منه
3- روحت جيبت مكتب صغير ب 500 جنيه
وشوية عدة وخلافه لبدء العمل
اللى فاض فى الخزينة (جيبك)
4- اشتريت بضاعة بسعر التكلفة ب 3000 جنيه
5- بيعت بضاعة اللى اشتريتها ب 4500 جنيه
===== نكتفى عشان متعقدش====
التحليل المالى لما سبق
1- راس المال 5000 جنيه
2- قروض 1000 (حساب الدائنون / محمد)
3- شريك ب 1000 وهو عادل يزيد راس المال
4- اصول  
عدة 500
بضاعة اول المدة 3000
نقدية 3500 بالخزينة اول المدة 
هى دى قيد الفتح وميزان اول المدة
=== ثم العمليات==
بيع البضاعه كلها 
الايراد 4500- التكلفة 3000 يكون مجمل الربح 1500
لم تصرف اى شئ اخر اذن يكون هو نفسه صافى الربح
 واضح
*** اذن موقفك المالى الجديد** ويجب ان يكون متساوى
الاصول
نقدية بالصندوق 3500+4500=8000
اصول عدة 500
بضاعة 0
المجموع 8500
الالتزمات
محمد 1000
راس المال 6000
ارباح العام القابلة للتوزيع 1500
المجموع 8500
نصيب الشركاء حسب نسب راس المال
انت 1500* 5 / 6 = 1250
عادل 1500 * 1 / 6 =250
المجموع 1500
شوفت بعيد عن المحابة سهلة جدا
هو ده ملخص الموضوع كله
صور الميزانية
*** ناتى لنقطة اختلاف تكلفة الصنف ***
نحن نحتاجه كما تابعت فى الشرح لمعرفة قيمة المخزون اخر المدة
والتى ناخذ سعر السوق او التكلفة ايهما اقل يعنى (بسعر التكلفة - الشراء)
*** سياسات تسعير المخزون***
هناك  عدة طرق
1- ما ورد اولا يصرف اولا (تعنى ان اسعار المخزن هى باحدث الاسعار)
2- ما ورد اخيرا يصرف اولا وهى نادرة الاستخدام وللاشياء التى لا تتلف وتزداد قيمتها بالتقادم) لا تهمنا عكس الاولى
3- طريقة متوسط التكلفة (وهى مبتغانا)
فى هذه الطريقة 
قمت بشراء 5 مكيفات ب 1000
ثم قمت بشراء 5 ب 1500
تكون عدد العمليات 2 واجمالى الاسعار للصنف 2500
يكون متوسط سعر الوحدة 1250
تبقى عندك  بيعت 7 وتبقى 3
مخزون اخر المدة يكون 1250*3
 لو بالطريقة الاولى ما ورد اولا يصرف اول يصبح 3* 1500
ولاكن طريقة متوسط التكلفة هلى الاكثر انتشار فى حالة كثرة الكمية وعمليات الشراء 
وفى الختام نحمد الله
ونسال الله ان نكون قد اوضحنا الصورة
الرد }}}
تم الشكر بواسطة: asemshahen5 , ابراهيم ايبو


التنقل السريع :


يقوم بقرائة الموضوع: بالاضافة الى ( 1 ) ضيف كريم