(08-12-19, 01:44 PM)عبد العزيز البسكري كتب : السلام عليكم و رحمة الله و بركاته
بارك الله فيك و لك و جزاك خير الجزاء أخي الغالي New 2016
كلام و شرح أكثر من الرائع .. و منطقي جدا جدا تمكنت من استيعاب الفكرة بفضل الله ثم بفضلك
أصارحك القول
تتبعت دورة أستاذنا الكبير ملهم الصويعي من بدايتها لنهايتها
بارك الله فيه و له و أحسن اليه
تتبعت دورة الأستاذ الكبير محمد عثمان خورشيد
بارك الله فيه و له و أحسن اليه
تتبعت بعض المشاريع مفتوحة المصدر .. هنا و هناك
بارك الله في أصحابها
و وجدت صعوبة في فهم بعض الأمور المحاسباتية
أخي الكريم
ما أريده فضل و احسان ..
شرح الفكرة فقط ..
هل يمكن جعل فورم بحث عن فواتير المبيعات
و من خلالها يتم ترحيل فاتورة المبيعات التي نريد استرجاعها الى جدول استرجاع المبيعات
في هذه الحالة
ما هي الجداول المتعلقة بهذه العملية و يحدث عليها تغيير و تأثير
و هنا خطرت ببالي فكرة ماذا لو تم استرجاع مادة واحدة من فاتورة
بصراحة .. دخت
اريد فقط أخي الغالي التوضيح
هل يمكن اثنين فورم استرجاع مبيعات مثلا
واحد خاص بمرتجع مواد فقط
و أخرى خاصة بمرتجع الفواتير الكاملة
بارك الله فيك مقدما لأني بصراحة لا أريد النسخ و اللصق و انما اريد عمل أكون مقتنع به
خالص احتراماتي
الاخ العزيز واستاذنا الكبير - الاستاذ عبد العزيز البسكري
اولا يجب ان أوضح انكم انتم اصحاب الفضل والاحسان وجميع من ذكرت من اساتذتنا العظام وجميع القائمين على هذا المنتدى العظيم .
فيما يتعلق باستفساراتك
* هل يمكن جعل فورم بحث عن فواتير المبيعات و من خلالها يتم ترحيل فاتورة المبيعات التي نريد استرجاعها الى جدول استرجاع المبيعات في هذه الحالة
نعم ( يجب ان يكون هناك شاشة للبحث عن فواتير البيع المراد اما استرجاعها كلها او استرجاع بعض اصنافها بالطريقة المعتادة ) زى شاشة البحث عن فواتير المبيعات فى المثال الخاص بالاستاذ الكبير - ملهم الصويعى .
* ما هي الجداول المتعلقة بهذه العملية و يحدث عليها تغيير و تأثير.
لكى نعرف الجداول المرتبطة والتاثير الذى سوف يحدث دعنا نبداء From Back to Front يعنى ( ما هى المخرجات او التقارير المطلوب استخراجها ) وبناء عليها هاعرف ايه الشاشات وايه الجداول التى سوف توصلنى الى تلك المخرجات او التقارير ---- يعنى عمليا :-
انا عايز اطلع التقارير التاليه :-
* سجل بكافة فواتير المبيعات - التاريخ - رقم فاتورة البيع - اسم العميل - قيمة الفاتورة ( وده سهل ومعروف الجدول الخاص بيه والفورم الخاص به )
* سجل فواتير مرتجع المبيعات - التاريخ - رقم مستند الارتجاع- رقم الفاتورة المرتجعه - اسم العميل - قيمة فاتورة الارتجاع ( وده سهل ومعروف الجدول الخاص بيه والفورم الخاص به - وهو نفس جدول فاتورة البيع ماستر وديتيل ونفس الفورم - فيما عد تغيير المسميات واضافة رقم فاتورة البيع التى سوف يتم ارتجاعها)
* كشف حساب العميل اللى بيكون فيه رصيد العميل ( اما ليه فلوس - او عليه فلوس ) ( وهنا يبقى فيه شوية كلام )
كشف الحساب ما هو الا جدول عادى خالص بدون فورم يغذيه - به كود العميل - التاريخ - رقم المستند - نوع المستند ( فاتورة بيع - فاتورة ارجاع - دفعه نقديه - شيك ) - قيمة مدينة - قيمة دائنه )
يعنى ايه قيمة مدينة ( يعنى مبلغ العميل المفروض يدفعه - يعنى مستحق عليه - مثل ( اجمالى قيمة فاتورة البيع )
يعنى ايه قيمة دائنة ( يعنى مبلغ يعتبر حق للعميل - يعنى مستحق له - مثل ( اجمالى فاتورة الارتجاع - دفعه نقديه - دفعه بشيك )
منين اجيب رصيد العميل ؟؟؟
رصيد العميل هو عبارة عن الفرق بين مجموع عمود القيمة المدينة - وعمود القيمة الدائنه ( يعنى الفرق بين مجموع المستحق على العميل - والمستحق للعميل )
هذا فقط بيكون جدول وليس له فورم - هذا الجدول بيتغذى على استعلامات اضافه --- بكود العميل واسم العميل واجمالى القيمه فى كل فاتورة بيع ( جانب مدين ) - واجمالى قيمة فاتورة ارتجاع (جانب دائن ) ومستند دفعه -( جانب دائن )
* رصيد المخزن او رصيد صنف معين فى اى مخزن ( وهنا برضو فى شوية كلام )
برضو هايكون جدول عادى خالص بدون فورم يغذيه
يكون فيه كود المخزن - اسم المخزن - كود الصنف - اسم الصنف - نوع الحركة ( شراء- منصرف - مرتجع ) عمود للكمية الوارده - عمود للكمية المنصرفه
هذا الجدول بدون فورم - ويتغذى على استعلامات اضافه عند كل حركة ( فاتورة شراء - ترحل جميع الاصناف ( كود الصنف واسم الصنف وكود المخزن واسم المخزن ونوه المستند واجمالى الكمية الوارده لكل صنف فى عمود الكمية الوارده ) فاتورة بيع - نفس الكلام بس يرحل فى عمود الكمية المنصرفه ) - فاتورة مرتجع بيع ( نفس الكلام ويرحل كمية الصنف فى عمود الكمية الوارده )
عايز اجيب رصيد اصناف مخزن معين ( اعمل استعلام على الجدول السابق وابنى عليه تقرير وافلتر على كود المخزن)
عايز اجيب رصيد صنف معين ( اعمل استعلام على الجدول السابق وابنى عليه تقرير وفلتر على كود الصنف )
منين اجيب رصيد الصنف ؟؟؟؟؟
رصيد الصنف هو الفرق بين اجمالى عمود الكمية الوارد - واجمالى عمود الكمية المنصرفه
اخيرا ---- ماهى الية عملية الاسترجاع .؟؟؟؟؟؟
كالتالى - انت عملت فورم لاسترجاع المبيعات - وعملت شاشة بحث عن الفواتير المراد استرجاعها
المفروض بمجرد اختيار الفاتورة المطلوب استرجاعها تنزل بياناتها بالكامل فى فورم الاسترجاع - تمام ...
فى الحاله ديه انا رجعت كامل الفاتورة وكل اصنافها هاترجع للمخزن وكامل قيمتها هاتنزل فى الجانب الدائن للعميل - وخلصنا
عايز ارجع بعض الاصناف فقط ( الغى من الفاتورة السطور او الاصناف اللى مش هاترجع وخلى فقط الاصناف التى سوف يتم ارجاعها فقط ) وهى اللى هاترجع للمخزن واجمالى قيمتها هاتترد للعميل ..
ارجو ان اكون قد وفقت فى الايضاح
وارجو الدعاء لى بتيسيير الاحوال